"MSDIS Holding" 2021-ci ilin may ayında 2 tender müsabiqəsinin qalibi olub

Holdinqimiz Abşeron rayon İcra Hakimiyyəti başçısının Xırdalan şəhəri üzrə Nümayəndəliyi tərəfindən keçirilən tender müsabiqəsində qalib seçilib.

Qalib şirkət olaraq "MSDIS Holding" Xırdalan şəhərində "Ana və uşaq" parkında, “Əlillər binası” parkında, Heydər Əliyev prospektində, "1941-1945" parkında, M.Ə.Rəsulzadə küçəsində, Bakı -Sumqayıt yolunda və H.Əliyev parkında abadlıq və təmir işlərini görəcək.

"MSDIS Holding"in qalib olduğu digər tender müsabiqəsi isə Sumqayıt Şəhər İcra Hakimiyyəti yanında Mənzil-kommunal təsərrüfatı istehsalat birliyi tərəfindən keçirilib.

Müqaviləyə əsasən holdinqimiz Sumqayıt şəhərində küçə, yol, mikrorayon və məhəllələrin ərazilərindəki asfalt örtüyünün təmiri işləri aparacaq.