Hörmətli vətəndaşlar!

“MSDIS Holding”in adından elan saytlarında və sosial şəbəkələrdə bir sıra vəzifələr üzrə iş təklifləri ilə bağlı məlumatlar yayılıb.

Bildirmək istəyirik ki, həmin məlumatlar və yerləşdirilmiş əlaqə telefonlarının “MSDIS Holding” və şirkətimizin İnsan Resursları Departamenti ilə heç bir əlaqəsi yoxdur. Vətəndaşları bu cür informasiyalara və vədlərə inanmamağa çağırırıq.

“MSDIS Holding”də işə qəbul prosesi şəffaf və mərhələli şəkildə həyata keçirilir. Bütün vakansiyalar holdingin rəsmi saytında və sosial media hesablarında yerləşdirilir. Hər hansı qeyri-qanuni yolla “MSDIS Holding”də işə düzəlmək qeyri mümkündür.

Vətəndaşlar holdingimizdəki vakansiyalarla bağlı məlumatları www.msdisholding.az saytından və ya *2114 əlaqə nömrəsinə zəng edib əldə edə, CV-ləri isə [email protected] ünvanına göndərə bilərlər.