"MSDIS Holding"in tərkibində fəaliyyət göstərən “MS Oil” yanacaqdoldurma məntəqələri (YDM) fəaliyyət şəbəkəsini genişləndirməkdə davam edir.

Belə ki, ölkəmizdə fəaliyyət göstərən 11 ədəd “ABU Petrol” YDM-si "MSDIS Holding"in balansına keçib. Sözügedən YDM-lər bundan sonra “MS Oil” olaraq fəaliyyət göstərəcək. Bununla da “MS Oil” YDM-lərin sayını ümumilikdə 13-ə çatdıracaq.

Artıq “ABU Petrol” YDM-lərdə yeni holdingimizin brendinə uyğun təmir və yenidənqurma işlərinə start verilib. Yeni “MS Oil”lər bu ilin sonuna qədər fəaliyyətə başlayacaq.

Qeyd edək ki, "MSDIS Holding" 2021-ci ildə “MS Oil” adı altında 2 YDM ilə bazara daxil olmuşdu. “MS Oil” qısa müddət ərzində Mehdiabad qəsəbəsi, 28 may küçəsi və Bakı-Quba yolunun 12-ci kilometrliyindəki YDM-lərdə ümumi uduş fondu 60 min AZN-dən çox olan “Şanslı oil” lotereyasını da keçirməyə müvəffəq olub. Lotereya bu ilin dekabr ayının 15-nə qədər davam edəcək. Şərtlərlə buradan tanış ola bilərsiniz.