"MSDIS Holding" 1 iyun - Uşaqların Beynəlxalq Müdafiəsi günü ilə bağlı tədbir keçirilib.

"HappyLand" Uşaq Əyləncə Mərkəzində baş tutan tədbirdə holdingin icraçı direktoru Şövkət Kazımova, holding əməkdaşları və onların uşaqları iştirak edib. O, holding olaraq uşaqlar və şagirdlər üçün hər il keçirilən müxtəlif tədbirlərdən danışıb, Azərbaycan dövləti kimi şirkətin də bu mühüm məsələyə qayğı ilə yanaşdığını bildirib və uşaqları təbrik edib.

Daha sonra tədbir uşaqların əyləncə mərkəzində maraqlı oyunları ilə start götürüb. 2 saata yaxın davam edən əyləncəli fərdi və qrup oyunları uşaqların sevincinə səbəb olub.

Uşaqların nümayiş etdirdikləri nağıl qəhrəmanlarının personajları, şeirlər, mahnılar, rəqslər və səhnəciklər tədbir iştirakçılarında xoş əhval-ruhiyyə yaradıb.

Daha sonra uşaqlar və onların valideynləri üçün yemək süfrəsi açılıb.